去台灣資料

Minglun

我想問下中3去台灣我要做咩手續? 同埋邊到攪?
學費 / 生活費 / 住宿 加埋 大概幾錢!!!!!!??
有無什麼網站可以參考.同埋手續要點做

最緊要最快可以幾時去到?  thx! ...
`Lok-) 發表於 27-7-2009 01:11

你可以試下打去海華服務基金度問
佢冇web的,係yahoo search佢地既電話唔難
公立國中既學費大約5千幾台幣,高中8千幾一個學期
生活費,睇你大唔大洗,同埋係台灣邊忽,南部同北部係好大分別
我係高雄,一個月5500台幣有找
住果方面,我暫時仲未聽/見過有國中/高中係有宿舍...
你打去海華度問下啦

不過我想勸你一句,有得選都唔好選去台灣讀大學以下既課程
佢地既課程同香港係好大分別
我唔知你係去升中3(當地國3),定係升高1
如果係國3,咁就大件事....
台灣並唔係香港咁一間中學讀6,7年
佢地係分國中同高中,兩間唔同既學校
國3升高中要考一個叫基測既試
競爭都咪話唔大,個個爭入公立既高中,一個唔好彩入左私立既
費用係唔止乘2..
仲有,私立高中既師資一定係參差架啦
讀埋3年更加唔洗望去到質素較好既國立大學

最重要既就係,台灣既英文程度係你想像唔到咁差
你過去讀大學都話仲有係香港浸左幾年中學既底
但係果邊升上去,你會同台灣生一樣
"Iceland is where?" ←呢句係我係大學見過最離譜既英文
我間大學就要係畢業之前pass到一個國際認可既英文測試先有cert
我唔知其他大學係咪咁啦
但以咁既程度,試問憑咩去考?

去台灣升學,近年的確係愈來愈流行
不過係去讀大學而唔係中學
唔好以為去台灣讀會易讀好多,會係果度高人一等
台灣既課程分分鐘比香港既更深
去到大學滿江紅既港澳人我都見唔少...
尤其係工學院,4年之後順利畢到業都算唔錯架啦,唔好望話拎咩獎學金囧
樓主三思吧!

國立高雄大學電機工程學系學生留字